بتمنى خدمة الأهل وهسيب اتحاد الكرة خلاص.. محمد بركات قال إيه عن جمال علام والمتخب الأوليمبي

مش هترشح تاني في انتخابات اتحاد الكورة.. واتمنى اخدم الأهلي بأي شكل..

محدش يزايد على وطنية الأهلي وحبه لمصر.. تصريحات مثيرة لكابتن محمد بركات في برنامج مساء الأنوار…

اتكلم فيها عن المنتخب الوطني والمنتخب الأوليمبي واتحاد الكورة وكمان النادي الأهلي..

بركات قال دي اخر دورة ليا في اتحاد الكورة ومش هترشح تاني..

انا لعبت كورة كتير وكنت بتحمل ضغوطات كتير وانا لاعب..

سواء في الاسماعيلي أو من جماهير الاهلي او حتى أهلى جدة..

لكن الضغوط في اتحاد الكورة كتير انت بتتهاجم على حق او مش على حق..

المجموعة اللي موجودة في اتحاد الكورة بتشتغل وبتحاول تطلع احسن ما عندها..

جمال علام وكل الناس اللي معاه محترمين جدا وكويسين واتعلمت منهم خبرات..